Фото: cottonbro studio / Pexels
2019 жылдан бері Astana Hub кластерінің қатысушы компаниялары жиынтығында $6,7 млрд табыс тапты. Бұл туралы кластердің бас директоры Мағжан Мәдиев хабарлады. Экожүйеде 2 700 компания бар. Ол қазақстандық IT-жобаларға мамандар даярлауға, инвестиция тартуға және шетел нарығына шығуға көмектеседі (digitalbusiness.kz).
Не болды
Astana Hub-тың сегіз жылдығына қарай қатысушылардың IT-қызметтер экспорты $2,4 млрд-қа жетті, ал стартаптар $2 млрд-тан астам инвестиция тартты. $6,7 млрд көрсеткіші компаниялардың 2019 жылдан бергі жиынтық табысын білдіреді.
Астанадан тыс жерде желі 20 өңірлік IT-хабты біріктіреді. Ашылғалы олар 5 200-ден astam іс-шара өткізіп, 80 мың қатысушыны жинады. Осы алаңдарда 700 стартап таныстырылды.
Жобаларды қалай қолдайды, мамандарды қалай дайындайды
Қолдау бизнестің әртүрлі даму кезеңін қамтиды. Startup Garage бағдарламасы ерте кезеңдегі 1 400-ден астам жобаны қолдады, олардың 428-і оқуды аяқтады. Google for Startups-пен бірге жасалған халықаралық Silkway Accelerator бағдарламасы 83 стартапты түлеткен.
Кадр даярлау үшін Tech Orda бағдарламасы жұмыс істейді. Astana Hub деректері бойынша, 133 IT-мектептен 11 410 адам оқуды бітірді. Түлектердің жұмысқа орналасу деңгейі — 90%.
IT-командалар үшін нені білдіреді
Стартаптарға тапсырыс берушілермен жұмыс тәжірибесін қалалық бағдарламалар алып береді. 2026 жылы Astana Innovations Accelerator 354 өтінім алды. Іріктеуден кейін 17 жоба мектептерде, медициналық мекемелерде, коммуналдық кәсіпорындарда, көлік қызметтерінде және ТЖД бөлімшелерінде іске қосылды.
Тапсырыс берушіні табудың тағы бір жолы — Astana Hub-тың технологиялық тапсырмалар платформасы. 2026 жылы онда 385 тапсырма орналастырылды, оларға үш мыңнан астам ұсыныс түсті. Әзірлеушілер өндірісті автоматтандыру, қауіпсіздік және басқару бойынша шешім ұсына алады.
Инвестициялық қолдауды Astana Hub Ventures көрсетеді. 2026 жылы қор, атап айтқанда, PanDev Metrics стартабына, сондай-ақ Higgsfield пен Mirai Tech компаниясына инвестиция салды.
Шетелге шығу үшін Draper University-мен бірге Hero Training және Alchemist Silkroad — Silicon Valley Residency бағдарламалары бар. 2026 жылы Astana Hub Ventures Globalpreneurs бағдарламасын да іске қосты: ол жетекші халықаралық акселераторларға іріктеуден өткен стартаптарға қаржылай қолдау көрсетуді қарастырады. Қолдау алғандардың қатарында — Bult.ai, Resti, Cyberlabs, Admyra және Scano.
