Иллюстрация: ЖИ
8 қарашада Талдықорғандағы Jetisu Hub-та National Founder Cup 2026 байқауының өңірлік кезеңінің финалы өтеді. Стартаптар байқауын Founders League және AI Startify ұйымдастырады. Ұйымдастырушылардың айтуынша, финалға Жетісу облысынан 20 команда өткен (aistartify.com).
Финал туралы не белгілі
Финалистер стартаптарын сарапшыларға, кәсіпкерлерге және инвесторларға таныстырады. Жүлде қоры 250 000 теңгеден басталады. Ұйымдастырушылардың хабарлауынша, серіктестердің қолдауымен оның көлемі артып келеді. Командалар үшін қатысу тегін болды, өтінім қабылдау 2 қарашада аяқталды.
Қатысушылар ақшалай жүлделерден бөлек, компанияның стартаптар көрмесі — AI Startify Startup Showcase-ке өтіп, AI Startify Inc. (АҚШ) сертификатын ала алады. Ұйымдастырушылар серіктестерден қосымша мүмкіндіктер ұсынуға және халықаралық стартап негізін қалаушылар қауымдастығына қосылуға жол ашуға да уәде береді.
Байқау тағы қайда өтіп жатыр
Талдықорған — National Founder Cup байқауының кезекті қалалық кезеңі. Астанада финал 31 қазанда Назарбаев Университетінде өтті, бірінші орынды Sator агростартапы иеленді. 6 қарашада финал Оралдағы Batys Hub-та өтті.
raem.kz — National Founder Cup байқауының ақпараттық серіктесі. Талдықорғандағы финалдың қорытындысы мен жеңімпаздардың хикаяларын келесі материалдарда баяндаймыз.
