University of Central Asia Afghanistan Research Initiative 2027/28 бағдарламасын ашты. Бастамада үш бағыт бар, бірақ Қазақстаннан келген зерттеушілер үшін екеуі қолжетімді: Research Grant және Non-Resident Research Fellowship. Ал PhD Support Grant тек Ауғанстан азаматтарына арналғандықтан, бұл шолуда қарастырылмайды.
1-бағыт. Research Grant — $20 000-ға дейін
Зерттеу гранты ұзақтығы 12 айға дейінгі жобаға $20 000-ға дейін қаржы ұсынады. Жоба жетекшісінің PhD дәрежесі болуы, танылған университетпен немесе зерттеу ұйымымен байланысы болуы және Ауғанстаннан тыс жерде тұруы шарт. Қатысуға кез келген елдің, соның ішінде Қазақстанның азаматтары құқылы.
2-бағыт. Non-Resident Research Fellowship — $18 000-ға дейін
Нерезиденттік зерттеу стипендиясы 18 айға $18 000-ға дейін қарастырады. Үміткерге PhD дәрежесі, институционалдық байланыс, ағылшын тілі және тікелей Ауғанстанмен байланысты зерттеу жобасы қажет. Ғылыми мақаладан бөлек, қатысушы саяси ұсынымдар жазады және халықаралық форумдарда өз баяндамасын жасайды.
Қандай тақырыптар басымдыққа ие
Әлеуметтік және экономикалық даму, азық-түлік қауіпсіздігі, су ресурстары мен климаттың өзгеруі, білім беру, көші-қон, адам құқықтары және шекара маңындағы өңірлік ынтымақтастық тақырыптары қарастырылады.
Құжат қабылдау мерзімі (Дедлайн)
Өтінімдер 2026 жылдың 15 қазанына дейін қабылданады. Екі бағыттың да нәтижелері 2026 жылдың желтоқсанында жарияланады.
Ресми сілтемелер мен өтінім беру
University of Central Asia ресми сайты
Afghanistan Research Initiative бағдарламасының шарттары мен құжаттары
Шарттар 2026 жылдың 14 қыркүйегінде тексерілді.
