23 қыркүйекте Астанада HackAlem AI халықаралық хакатоны өтеді, оның ресми технологиялық серіктесі ретінде OpenAI компаниясы қатысады. Қатысатындарын Қазақстаннан және басқа елдерден мыңдаған әзірлеушілер, студенттер мен IT-мамандар растады. Тіркелу hackalem.ai сайтында ашық.
Жүлде қоры және OpenAI технологияларына қолжетімділік
Қатысушылар жеке AI-шешімдерін әзірлеу үшін сомасы $1 млн дейінгі көлемде OpenAI технологиялық ресурстарына қол жеткізеді. Хакатонның ақшалай жүлде қоры — $100 мың, ал жеңімпаздар қосымша OpenAI API-токендері түрінде тағы $100 мың алады. Жүлделер мен технологиялық ресурстардың жиынтық көлемі — $1,1 млн құрайды.
Марапаттау салтанаты AI & Digital Bridge 2026 халықаралық технологиялық форумының сахнасында өтеді.
Кімдер қатыса алады
Хакатонға кәмелетке толған әзірлеушілер, студенттер, жас мамандар және технология саласында тәжірибесі немесе білімі бар, сондай-ақ өз дағдыларын растайтын жеке жобалары, прототиптері немесе зерттеулері бар IT-энтузиастар қатыса алады. Студенттер мен жас мамандар соңғы 12 ай ішінде IT-бағыттар бойынша білім алған немесе күндізгі бөлімде оқыған жағдайда қатысуға құқылы.
23 қыркүйекте Астанада жеке қатысу міндетті. Жол жүру және тұру шығындарын қатысушылар өздері өтейді.
Қатысушылар не алады
OpenAI құралдарына қолжетімділіктен бөлек, қатысушыларға HackAlem AI мерчтері мен атаулы сертификаттар табысталады. Қазылар алқасы негізгі бағыттар бойынша үздік AI-шешімдерді анықтайды; ең перспективалы жобалар хакатон серіктестерімен бірлесіп пилоттық сынаққа өте алады.
Дәйексөздер
ҚР Премьер-Министрінің орынбасары — Жасанды интеллект және цифрлық даму министрі Жаслан Мәдиев:
«Қазақстанда HackAlem AI хакатонын өткізу — елдің AI-экожүйесін дамытудағы маңызды қадам. Біз Қазақстаннан және басқа елдерден келген әзірлеушілер озық технологияларға қол жеткізіп, шешімдер жасап, оларды жаһандық нарыққа шығара алатын жағдай жасаймыз. Біздің міндетіміз — Қазақстанды таланттар, технологиялар және AI-инновациялар тартылыс орталығына айналдыру».
Silkroad Innovation Hub негізін қалаушы әрі бас директоры (CEO) Әсет Әбдуалиев:
«Silkroad Innovation Hub үшін HackAlem AI аясында OpenAI-мен технологиялық серіктестік орнату — Қазақстан мен Орталық Еуразиядан шыққан таланттарға жаһандық AI-құралдарына жол ашудағы маңызды қадам. Біз мықты экожүйе әзірлеушілерде, стартаптар мен технологиялық командаларда идеялармен қатар озық құралдарға, сараптамаға және нақты міндеттерге қолжетімділік болғанда ғана қалыптасады деп сенеміз. HackAlem AI нақ осындай ортаны құрады: қатысушылар OpenAI технологияларымен жұмыс істеп, тәжірибелік AI-шешімдер жасай алады және корпорацияларға келешек пилоттық жобалардың негізі бола алатын командалар мен өнімдерді ұсына алады».
Ұйымдастырушылар
HackAlem AI ұйымдастырушылары мен серіктестері — ҚР Жасанды интеллект және цифрлық даму министрлігі, Astana Hub халықаралық инновациялық кластері, Silkroad Innovation Hub, AI & Digital Bridge, Blockchain & AI Technology Center және OpenAI.
